Admisión e matrícula

1ª ADXUDICACIÓN DE PRAZAS: AGORA DEBES MATRICULARTE! (19-24 xullo)

Este mércores, día 19, publicouse a adxudicación de prazas. En caso de terte adxudicado unha praza no ciclo que solicitaste, agora DEBES MATRICULARTE. Se non o fas dentro do prazo, (remata ás 13:00 horas do luns 24 de xullo), perdes xa o dereito a facelo posteriomente.

Tamén existen prazas liberadas no noso centro no réxime modular: nalgúns módulos do CS de Realización presencial, no módulo de FOL do CS de Produción presencial e en todos os módulos do CS de Realización a Distancia así coma nos módulos de FOL e EIE do CS de Son a Distancia. O prazo para solicitala e matricularte remata tamén ás 13:00 horas do luns 24 de xullo. Consulta prazas e procedemento a seguir para solicitar agora as prazas liberadas aquí

En canto ao máster de FP (Curso de Esp. en Audiodescrición e Subtitulado), se tes unha praza adxudicada debes matricularse agora. Para este máster, tamén quedan prazas liberadas. O prazo para solicitala e matricularte remata tamén ás 13:00 horas do luns 24 de xullo. Consulta prazas e procedemento a seguir para solicitar agora as prazas liberadas aq

ADMISIÓN (23 xuño ao 5 xullo)

Para alumnado de 1º Ordinario e para todo o alumnado de Modular e Distancia: debedes SOLICITAR ADMISIÓN e logo esperar á ADXUDICACIÓN (a primeira é o 19 de xullo). No caso de conseguir a adxudicación, entón será o momento de MATRICULARSE. Consulta o calendario.

Info para solicitar admisión (prazo desde o 23 de xuño ao 5 de xullo ás 13.00). A solcitude faise online e tedes que fixarvos no documento final se debedes presentar algunha documentación no instituto ou non (na maioría dos casos non tedes que presentar nada máis e todo é online). Máis info aquí. Podes consultar este titorial para aprender a facer a solicitude de admisión.

Para alumnado de 2º de ordinario: tedes reservada a praza para continuar o ciclo. Debedes matricularvos nos prazos que vos indicaron desde titoría (en caso de dúbida, preguntade en conserxería). Se procedes doutro centro, debes presentar a solicitude e esperar á data de adxudicación (no caso de que queden vacantes trala matrícula do alumnado do centro)

Consulta as nosas recomendacións se é a primeira vez que queres matricularte no CS de Son a Distancia.